Logo Logo Logo
Logo 

2019-02-25

感謝各位蒞臨「C3AFA HONG KONG 2019」!

一連三日嘅「C3AFA HONG KONG 2019」已經完滿結束,衷心感謝各位喺過去3日蒞臨支持我哋!

今年係C3AFA HK 10週年嘅大日子,喺會場內見到大家燦爛嘅笑容,主辦單位、參展商、表演嘉賓同工作人員同樣感受到大家嘅滿足,特別開心係見到各位新舊動漫迷喺呢十年間,能夠透過呢項盛事聚首交流。大家今年亦都非常合作同遵守規則,令整個活動得以喺歡樂嘅氣氛順利進行,再一次感謝大家!

承接住今屆10週年嘅強勢,明年「C3AFA HK 2020」,主辦方一定會繼續集思廣益,為大家呈獻備更百花齊放、更難忘、更感動嘅動漫內容!希望大家會繼續陪伴我哋,一齊歡樂度過更多嘅十年!約定你哋,下年會展再見!

2019-02-24

感謝各位小朋友參與C3AFA HK 2019「兒童繪畫大募集」!

今屆「兒童繪畫大募集」反應極為踴躍,小朋友齊齊化身大畫家,畫出「我最喜愛的動漫角色」,展露無窮創意。50幅入圍作品亦順利喺C3AFA HK 2019特設嘅攤位展出,吸引大批動漫迷駐足欣賞。

今次比賽設有三個大獎,分別由金獎得主黃韋博小朋友,同兩位銀獎得主朱曉萱及繆汶殷小朋友贏得。其中兩位銀獎得主今日亦都由家長陪同嚟到現場,由主辦單位「創通」嘅常務取締役田村烈先生為兩位頒獎,一齊感受呢項年度動漫盛事嘅熱鬧氣氛!

主辦方恭喜每位得獎者,亦期待熱愛動漫同畫畫嘅小朋友下年再嚟投稿!

2019-02-23

World Cosplay Summit香港代表誕生!

今日主舞台重頭戲之一「KATE TOKYO全力支持:C3AFA HK 2019 Cosplay大激鬥」,啱啱已經順利完成!比賽真係非常精彩,6支決賽隊伍使盡渾身解數,台上嘅演出令人眼前一亮。觀眾更加可以透過短片,欣賞到cosplay國際盛事「World Cosplay Summit」(WCS)喺日本當地嘅盛況添!

經過專業評審評分之後,最終嘅冠軍隊伍係莫家華、郭宏韜,亞軍係葉俊延、鄧嘉強,季軍係陸仲豪、陳健安。恭喜晒以上得獎隊伍!

冠軍隊伍將會代表香港,出戰暑假喺日本名古屋舉行嘅世界cosplay大賽WCS總決賽,同嚟自超過40個國家同地區嘅隊伍同場較量,喺度預祝佢哋再下一城!

非常多謝KATE TOKYO全力支持今次嘅比賽,亦都再一次恭喜每位得獎者,同埋多謝各隊入圍隊伍落力參與!我哋明年再見!

2019-02-20

節奏感大爆發! Hobby親身示範打call入門四招

嚟主舞台睇表演當然唔少得為偶像打call打氣啦!Hobby決定親身出馬,教吓大家一啲基本動作。
各位動漫迷,熱好身、企起身,一齊學打call啦!
記得Like & Share呢條片,同埋留意我哋最新消息!


YouTube: https://youtu.be/ifR9rQJj1cM

2019-02-19

主舞台表演入場安排特別宣佈

各位已登記主舞台表演KYORAKU Presents SUPER SUNSHINE in HongKong 「SKE48」Special stage的人士請注意:

為確保在場觀眾及表演嘉賓安全,我們將於主舞台觀眾席入口處,以金屬探測器進行安全檢查。為免入場時間受延誤,敬請各位持有該主舞台表演入場券人士提前30分鐘,即2月22日(星期五)下午2時抵達輪候區,以便接受安全檢查。多謝合作!

2019-02-19

【絕密公開】Hobby大師親授C3AFA終極攻略 征服會場冇難度!

C3AFA HK已經進入倒數階段,各位動漫迷寫好To Do & To Buy List未呀?
(自以為)好醒嘅Hobby話要傳授幾個攻略畀大家喎!一齊睇吓佢到底搞邊科?
記得Like & Share呢條片,同埋留意我哋最新消息!

YouTube:https://youtu.be/b50Vt5W51HU

2019-02-18

主舞台嘉賓率先同Fans打招呼:第6彈

動漫歌姬綾野ましろ向各位問好!

2019-02-18

主舞台嘉賓率先同Fans打招呼:第5彈

大熱聲優田所梓好期待見到香港的fans!

2019-02-18

主舞台嘉賓率先同Fans打招呼:第4彈

人氣歌手ASCA就快嚟香港喇!

2019-02-18

動漫迷掃貨必備 火速下載e-coupon

過完年逗到咁多利是錢,梗係要嚟C3AFA HK 2019勁買精品啦!會場除咗雲集各大參展商為動漫迷精心準備嘅會場特定商品,仲有大量優惠預埋你!多間參展商提供嘅電子優惠券已經放上C3AFA HK官網,要做個精明嘅消費者,就記得預先下載e-coupon,到時入場就可以大買特買啦!

請參閱官網之「e-coupon」事項。

2019-02-18

C3AFA HK 10週年盛事 送你10週年紀念文件夾 仲可以同Hobby影相添!

為咗慶祝C3AFA HK 10週年,大會特別製作咗10週年紀念文件夾,以答謝眾多動漫迷一直以來嘅支持。
各位只要完成以下四個簡單步驟,就可以嚟問卷攤位拎到呢個精美實用嘅紀念文件夾喇!展覽期間Hobby亦都會喺攤位出現*,同大家見面影相咖!

1. 喺會場內拍攝與展覽有關嘅照片
(小貼士:歡迎搵Hobby影相,又或者活動會場、參展商攤位等嘅照片都可以)*主舞台表演除外
2. 上傳照片到Facebook,再加上#C3AFAHK2019 並設置成公開分享
3. 去到問卷攤位[Questionnaire] Scan QR code填寫大會問卷
(或到以下網址:https://goo.gl/forms/QPtiYrjDO9ed7QTD3
4. 向工作人員出示問卷填寫完畢頁面及Facebook貼文

做齊以上四步,即**送你10週年紀念文件夾乙個!我哋22-24號會展見!

*Hobby將會於以下時間喺問卷攤位同大家見面:
  22號(星期五)13:30及15:30、
  23號(星期六)14:00及15:30
**文件夾每日數量有限,派完即止
註:問卷將於2月22日開放

2019-02-16

C3AFA HK支持cosplay文化 歡迎Coser免費入場!

Cosplay係日本動漫文化重要嘅一環,「C3AFA HK 2019」梗係要支持啦!Coser只要符合大會要求就可以免費入場,一齊參與呢項年度動漫盛事!場內仲特設Cosplay Photo Area,俾coser自由使用。為咗支持cosplay文化,KATE TOKYO仲會送出精美禮品畀各位coser添!(數量有限,送完即止)

Cosplay界國際級盛事嘅WCS比賽係我哋嘅合作伙伴,各位coser想喺C3AFA HK免費入場,只需要兩個簡單步驟:
1. 於Cosplayers Global網站(按此)完成註冊
2. 將自己所cosplay的角色之彩色原圖印落一張A4紙(原圖不能小於A5尺寸)

只要當日向工作人員出示呢兩樣嘢,就可以喺C3AFA HK免費入場喇!

如果你打算嚟C3AFA出cos嘅話,就記得留意以下事項:
- Cosplayer免費入場時間:
  星期五、六 13:00開始
  星期日 12:00開始
- Cosplayer更衣室設於Hall 1E
- Cosplayer免費入場登記處設於Hall 1C入口

詳細入場規則,請參閱官網之「Cosplay免費入場」事項。

2019-02-16

主舞台嘉賓率先同Fans打招呼:第3彈

歌手Iris用廣東話同香港嘅粉絲打招呼!

2019-02-16

主舞台嘉賓率先同Fans打招呼:第2彈

大熱樂隊BACK-ON向各位粉絲問好!

2019-02-15

Hobby親自解答C3AFA HK常見疑問!

等緊C3AFA HK 2019開幕嘅你,係咪「問題天天都多」? 等Hobby解答你哋有關C3AFA HK嘅常見疑問啦! 記得Like & Share呢條片,同埋留意我哋最新消息!
YouTube: https://youtu.be/q6J95MtvrMk
註:所有消息以官方網站最新公佈為準

2019-02-15

主舞台嘉賓率先同Fans打招呼:第1彈

「C3AFA HK 2019」下星期五(22號)就正式開幕喇!大家係咪好心急想入場買精品、睇表演呢?今年主舞台繼續有好多遠道而來嘅人氣嘉賓,為大家落力演出。部份嘉賓仲特登拍咗條片,同各位動漫迷預先打個招呼添! 各位Fans 2月22至24號一齊嚟同偶像打氣啦!

率先由AKB48 Team TP成員 - Pinhan 邱品涵、Mina 潘姿怡同大家打個招呼!

2019-02-15

第4輪參展商簡介及商品情報!

2019-02-14

主舞台節目時間更改通知

各位成功登記咗「A Certain Magical IndexⅢ」C3AFA HK Special Stage嘅朋友注意喇!呢一場主舞台節目時間已經更改為2月24日(星期日)16:30,到時大家拎飛同入場記得要跟返相應嘅時間喇!

2019-02-14

SKE48六位表演成員BIG生寫真 2月22日會場特定發售

今年C3AFA HK 2019將會有會場特定嘅SKE48商品!各位Fans只要喺2月22號(星期五)中午12點至下午3點半,去到場內Event Corner嘅攤位,就可以買到喺主舞台演出嘅SKE48六位成員嘅BIG生寫真(共6款),售賣時間會於當日下午3點半截止,而且數量有限,售完即止!而購買到生寫真嘅朋友更加可以參與SKE48呢六位成員嘅擊掌會!
另外攤位亦都有SKE48舞台演出嘅介紹同相關嘅問卷調查,希望大家多多支持!

商品情報:

1. BIG raw photograph【會場特定商品】

詳情請瀏覽:http://www.sunshine-sakae.jp/

©AKS

2019-02-13

【獨家】Hobby初現螢幕 自我介紹大揭秘!

嚟C3AFA HK嘅動漫迷都知Hobby係我哋官方角色,但你對佢又有幾多認識?依家就為大家送上Hobby嘅自我介紹,等你哋認識吓佢不為人知嘅一面……
YouTube: https://youtu.be/UVzL12Y-5eA

2019-02-13

第3輪參展商簡介及商品情報!

2019-02-12

第2輪參展商簡介及商品情報!

2019-02-11

第1輪參展商簡介及商品情報!

2019-02-03

C3AFA HK 10周年,動漫迷一定唔可以錯過!
齊集動漫精品、人氣聲優歌手、精彩舞台表演
2月22至24號會展見!記得帶埋利是錢呀!

2019-02-02

年度動漫盛事C3AFA HK 2019 強勢邁向10周年!
2月22至24號嚟會展,約定你哋喇!

2019-01-28

主舞台入場券今日中午12點正開始登記

2019-01-24

主舞台時間表及入場券換領詳情公佈

2019-01-24

主舞台速報:KYORAKU Presents SUPER SUNSHINE in HongKong 「SKE48」Special stage

2019-01-23

主舞台速報:Vtuber Special Stage

2019-01-21

預先買定入場門票 搶閘選購心水潮物!

2019-01-19

主舞台速報:第三回

2019-01-19

「C3AFA HK 2019」驚喜亮點多 主舞台節目加碼大公開

「C3AFA HK 2019發佈會」今日啱啱順利完結,喺度再次多謝每一位到場支持嘅朋友!今年係C3AFA 10周年,為隆重其事,我哋非常榮幸邀請到日本國駐香港總領事館領事高田真里小姐蒞臨支持今日嘅發佈會!主辦單位「創通」嘅常務董事田村烈先生同「SOZO」嘅董事總經理Mr. Shawn Chin今日首先多謝大家十年以來一直支持香港C3,並且宣佈動漫音樂盛事「I Love Anisong Showcase」將會嚟到主舞台演出,其後公佈咗10週年Image Girl,佢以C3AFA官方角色Hobby嘅形象現身,連同大會MC Jarvis喺會上向大家介紹咗本屆展覽嘅一連串亮點,包括參展商及主舞台節目等。除此之外,「C3AFA HK 2019」嘅傳媒登記將會喺1月21號開始,詳情請到官網查閱。

今年嘅參展陣容一如以往強勢列陣,多個極受歡迎嘅本地同日本參展商匯集C3AFA,入場嘅動漫迷肯定會滿載而歸!至於主舞台節目更加係升級大加碼,除咗之前公佈過嘅節目,會上亦揭曉咗9個令人熱切期待嘅精彩節目,包括:

2月22日(星期五)
- 「KYORAKU Presents SUPER SUNSHINE in HongKong 「SKE48」Special stage」
- 「少女☆歌劇 レヴュースタァライト -Re LIVE- SPECIAL TALK SHOW」
- 「Vtuber Special Stage」

2月23日(星期六)
- 「刀劍神域 Alicization」Special Stage
- 「I Love Anisong Showcase」

2月24日(星期日)
- 「黑色五葉草」特別舞台見面會
- 「Nao Toyama Special Live in C3AFA HONG KONG 2019」
- 「AIKATSU! Special Stage」
- 「GUNDAM anisong special stage」

一Click即睇主舞台節目詳情!

2019-01-18

KATE TOKYO全力支持:C3AFA HK 2019 Cosplay大激鬥
入圍隊伍出爐! 進軍WCS夢想即將實現

2019-01-11

主舞台速報:第二回

2018-12-30

主舞台速報:第一回

2018-12-03

10周年Image Girl招募 親身傳揚日本動漫文化

咁多年嚟一直默默陪住動漫迷嘅,又點少得咁討人喜愛嘅C3官方角色Hobby (ホービーちゃん)呢?明年就係C3嘅10周年,所以主辦方特別舉辦「C3AFA HK 10th Anniversary Image Girl」招募活動,希望藉今次機會將一直陪住我哋開心感動嘅Hobby帶嚟現實。等佢可以親身代表大會履行使命,繼續將日本動漫文化傳揚開去!如果發現身邊朋友好有潛質成為人見人愛嘅Hobby,就快啲鼓勵佢報名參加啦!

報名表格:https://goo.gl/forms/GlRe4eaL8MNfLONJ2

2018-11-23

「我最喜愛的動漫角色」兒童繪畫大募集開動啦!
小畫家齊參與日本年度動漫盛事

「兒童繪畫大募集」已經舉辦咗5年,大會每年收到小朋友畫佢哋心目中最鍾意嘅動漫人物時都非常感動同開心!新嘅一年又到喇,「C3AFA HONG KONG 2019」專為11歲或以下小朋友而設嘅「兒童繪畫大募集」開動喇!快啲鼓勵身邊嘅小畫家發揮藝術天份,畫出佢哋心目中「我最喜愛的動漫角色*」啦!屆時評審將會選出50份入圍作品喺會場展出,仲特設金獎一名及銀獎兩名,分別可獲價值港幣2,000元及1,000元嘅購物禮券。所有入圍者亦可獲贈精美紀念品及獎狀乙份,而頭100名參加者更可獲得入場門券乙張,家長到時仲可陪同小朋友一齊免費入場,欣賞場內展出嘅入圍作品,齊齊參與「C3AFA HONG KONG 2019」呢個年度動漫盛事????!2月8日截止報名。

*任何國家嘅動畫、漫畫及電玩遊戲中嘅角色

2018-11-08

夢想進軍WCS? 即刻參加「C3AFA HK Cosplay大激鬥」

日本名古屋嘅「World Cosplay Summit」(WCS)絕對係國際頂尖嘅Cosplay活動。WCS由2003年開始舉辦,參賽地區至今已倍增至36個,規模仲越嚟越大,出年更會首次橫跨東京同名古屋兩地舉行,令人期待!香港2014年開始正式成為WCS預賽選區,「C3AFA HK Cosplay大激鬥」更造就咗唔少本地Cosplayer實現夢想,躋身國際大賽。出年嘅「C3AFA HK 2019 Cosplay大激鬥」已經公開接受報名喇,只要勝出呢個比賽,就會成為香港代表,可以同世界各地嘅Cosplayer切磋交流。不如先睇吓今年WCS嘅精彩片段,跟手下載埋表格報名參加啦!
截止日期:12月21日


2018-10-30

香港Cosplayer把握一年一度大顯身手機會 競逐WCS香港代表席位

一年一度「World Cosplay Summit」(WCS)香港區預選賽──「C3AFA HK 2019 Cosplay大激鬥」將會喺「C3AFA HONG KONG 2019」期間舉行,換言之又到Cosplayer大顯身手嘅時候!冠軍隊伍除咗可以代表香港躋身決賽,同接近40個國家嘅代表於日本名古屋切磋交流之外,仲體驗到WCS精心安排嘅Cosplay跨文化活動,包括Laguna Ten Bosch開幕禮、明治村活動、親善訪問、大須巡遊、溫泉旅行等。WCS規模越嚟越大,出年更會首次橫跨東京同名古屋兩地舉行,令人期待!如果你都想有機會參與呢項年度國際頂尖Cosplay盛事嘅話,快啲下載表格報名參加啦!
截止日期:12月21日


© C3AFA HK 2019 行政委員會 All rights reserved.

聯絡我們

回到頂部